Миланнинг “Интер” клуби ҳужумчиси Лаутаро Мартинес яна клубнинг янги шартнома таклифини қабул қилмади.
Охирги хабарларга кўра, "нерадзуррилар" сардорига йилига 8,5 миллион евродан кўп бўлмаган маош тўлашга тайёр. FcInterNews хабарига кўра, аргентиналик сўровни йилига 10 миллион еврогача камайтириши мумкин, аммо ундан камига рози бўлмайди. Томонлар яқин кунларда янги учрашув ўтказишади. Музокараларда ижобий натижа ҳали ҳам мумкин, чунки 26 ёшли форвард клубини ўзгартириш ниятида эмас.
Лаутаро Мартинеснинг "Интер" билан амалдаги шартномаси 2026 йилнинг ёзига қадар мўлжалланган. Ўтган мавсумда футболчи 44 та ўйинда 27 та гол урди ва жамоасига А Серияда ғалаба қозонишга ёрдам берди.
