Мадриднинг “Реал” клуби бош мураббийи Карло Анчелотти ярим ҳимоячи Тони Крооснинг футболчилик фаолиятини якунлаш қарори ҳақида гапирди.
"Тони тўғри вақтда қарор қилди. Мен унинг танловини ҳурмат қиламан. Крооснинг кетиши жамоа ўйинига таъсир қилади, чунки биз муҳим футболчини йўқотяпмиз.
Уни қандай алмаштириш ҳақида фикрларим бор. Бунда бизга Вальверде, Тчуамени ва Камавинга ёрдам беради.
Балки биз бироз бошқача футбол кўрсатармиз, аммо бу барибир муваффақият олиб келади", - деди италиялик мураббий.
