"Бавария" ва Германия терма жамоасининг собиқ ҳимоячиси Жером Боатенг, шунингдек, мексикалик дарвозабон Гильермо Очоа "Салернитана"ни эркин агент сифатида тарк этади.
Бу ҳақда журналист Фабрицио Романо ижтимоий тармоқларида хабар бермоқда. Эслатиб ўтамиз, клуб аввалроқ Б серияга тушиб кетган эди.
Очоа ўтган йилнинг январь ойидан бери "Салернитана" сафида тўп тепмоқда. У клуб сафида 41 та ўйин ўтказиб, 77 та гол ўтказиб юборди ва 5 та ўйинда дарвозаси дахлсизлигини сақлаб қолди.
Боатенг шу йилнинг февраль ойидан бери Италия жамоаси аъзоси бўлиб, клуб сафида 7та ўйин ўтказган.
