Ҳимоячи Тео Эрнандес ёзги трансфер ойнасида «Милан»ни тарк этиши мумкин. Узоқ вақтдан бери 26 ёшли франциялик футболчи «Бавария»га ўтиши ҳақида хабарлар тарқалмоқда. Мюнхенда Эрнандес «Реал»га ўтишга яқин турган Альфонсо Дэвис ўрнини эгаллаши мумкин.
"L'Equipe" ўз саҳифаларида хабар беришича, «Милан» Эрнандес учун тахминан 80 миллион евро олмоқчи. 2023/2024 йилги мавсумда ҳимоячи 46 та расмий ўйинда майдонга тушиб, ўз ҳисобига 5 та гол урди ва шерикларига 11 та голли узатма берди.
Эслатиб ўтамиз, Тео Эрнандес «Реал»дан кўчиб ўтгандан сўнг 2019 йилнинг ёзидан буён «Милан»да тўп тепмоқда.
