Himoyachi Teo Ernandes yozgi transfer oynasida «Milan»ni tark etishi mumkin. Uzoq vaqtdan beri 26 yoshli fransiyalik futbolchi «Bavariya»ga o‘tishi haqida xabarlar tarqalmoqda. Myunxenda Ernandes «Real»ga o‘tishga yaqin turgan Alfonso Devis o‘rnini egallashi mumkin.
"L'Equipe" o‘z sahifalarida xabar berishicha, «Milan» Ernandes uchun taxminan 80 million yevro olmoqchi. 2023/2024 yilgi mavsumda himoyachi 46 ta rasmiy o‘yinda maydonga tushib, o‘z hisobiga 5 ta gol urdi va sheriklariga 11 ta golli uzatma berdi.
Eslatib o‘tamiz, Teo Ernandes «Real»dan ko‘chib o‘tgandan so‘ng 2019 yilning yozidan buyon «Milan»da to‘p tepmoqda.
