Жошуа Киммих Ла Лиганинг топ-клубига ўтишни истисно қилмаяпти.
Аввалроқ "Бавария" ярим ҳимоячисига Тони Крооснинг вориси сифатида "Реал" қизиқиш билдираётгани ҳақида хабар берилганди.
Bild хабарига кўра, Киммих Мадрид клубига ўтишни ўйлаётган бўлиши мумкин. "Барселона"дан фарқли ўлароқ, у футболчининг молиявий эҳтиёжларини қондира олади. Каталонияликлар билан вариант ҳозирча у қадар долзарб эмас.
Жошуа "Бавария"нинг янги бош мураббийи Венсан Компани ундан қандай фойдаланишни режалаштираётганини имкон қадар тезроқ тушунмоқчи. Футболчи ҳимояда ўнгда ўйнашдан кўра майдон марказига қайтишни афзал кўради.
Қайд этилишича, "Бавария" агар янги шартнома тузилса, эҳтимол Киммихдан маошини камайтиришни сўраса керак - ҳозир бу йилига 20 миллион еврони ташкил этади.
