Мадриднинг “Реал” клуби бош мураббийи Карло Анчелотти жамоа ярим ҳимоячиси Тони Крооснинг фаолиятини юқори баҳолади.
“У ўз фаолиятини энг юқори савияда якунлади. Кроос бу клубнинг афсонаси. "Реал Мадрид"нинг барча мухлислари унинг қилган ишлари учун ундан миннатдор. Нафақат ижроси, балки муносабати ва профессионаллиги учун ҳам. Мен Тонига, агар у фикрини ўзгартирса, биз уни қучоқ очиб кутиб олишимизни айтдим", - дея Анчелотти сўзларини келтиради Sky Sports.
21 май куни 34 ёшли Кроос “Реал” билан шартномасини узайтирмаслигини ва 2024 йилги Европа чемпионатидан сўнг фаолиятини якунлашини маълум қилганди.
