"Манчестер Сити" раҳбарияти жамоа олдига ҳужумчи Эрлинг Холанд билан меҳнат шартномасини узайтиришни устувор мақсад қилиб қўйган. Бу ҳақда Mirror нашри хабар бермоқда.
Манбага кўра, “шаҳарликлар” раҳбарлари норвегиялик ҳужумчининг 2027 йилнинг 30 июнига қадар амалдаги шартномасига кўра, унга тўланадиган товон пули ҳар мавсумда секин-аста камайиб бораётганидан хавотирда.
Аввалроқ, ОАВда 23 ёшли футболчининг хизматларига "Реал" ва "Барселона" клублари қизиқаётгани ҳақида хабарлар пайдо бўлганди.
Жорий мавсумда Холанд барча мусобақаларда 45 та ўйинда қатнашиб, 38 та гол ва 6 та голли узатмани амалга оширди.
