"Manchester Siti" rahbariyati jamoa oldiga hujumchi Erling Xoland bilan mehnat shartnomasini uzaytirishni ustuvor maqsad qilib qo‘ygan. Bu haqda Mirror nashri xabar bermoqda.
Manbaga ko‘ra, “shaharliklar” rahbarlari norvegiyalik hujumchining 2027 yilning 30 iyuniga qadar amaldagi shartnomasiga ko‘ra, unga to‘lanadigan tovon puli har mavsumda sekin-asta kamayib borayotganidan xavotirda.
Avvalroq, OAVda 23 yoshli futbolchining xizmatlariga "Real" va "Barselona" klublari qiziqayotgani haqida xabarlar paydo bo‘lgandi.
Joriy mavsumda Xoland barcha musobaqalarda 45 ta o‘yinda qatnashib, 38 ta gol va 6 ta golli uzatmani amalga oshirdi.
