Килиан Мбаппе "Реал Мадрид"нинг янги футболчиси сифатида таништирилиши арафасида. Мадридликлар келаси ҳафта франциялик футболчининг трансферини эълон қилишлари кутилмоқда.
Инсайдер Фабрицио Романонинг фикрича, Мбаппенинг "Реал"га келиши бошқа футболчилар, хусусан, Родригонинг келажагига таъсир қилмайди. Аввалроқ, агар Мбаппе билан шартнома имзоланса, бразилиялик футболчи Мадридни тарк этиши мумкинлиги ҳақида маълумот пайдо бўлганди.
Миш-мишлар ҳатто Родригони "Манчестер Сити"га ҳам боғлаган. Эслатиб ўтамиз, шанба куни "Реал" Чемпионлар лигаси финал учрашувида "Боруссия"ни 2:0 ҳисобида мағлуб этганди.
