Миланнинг "Интер" клуби Бразилиянинг "Палмейрас" клубининг уч нафар ёш футболчиларига қизиқиш билдирмоқда: 17 ёшли ҳужумчи Эрик Беле, 16 ёшли вингер Уэсли Лима ва 18 ёшли ҳужумчи Луижи. Бу ҳақда Football Italia нашри хабар бермоқда.
Манба берган хабарга кўра, бразилиялик футболчилар бозорига ихтисослашган агентлардан бири "Интер"га ушбу футболчиларни янги истеъдодлар деб атаган ҳолда уларга эътибор қаратишни тавсия қилган.
Эслатиб ўтамиз, аввалроқ бразилиялик истеъдод эгаларидан бири, "Палмейрас" ҳужумчиси Эндрик "Реал"га ўтишга қарор қилганди. Эндрик Мадрид клубига 2024 йилнинг ёзида келиб қўшилади. Трансфер суммаси 45 миллион еврони ташкил қилди.
Миланнинг "Интер" клуби муддатидан аввал 2023/2024 йилги мавсумда Италия чемпионига айланди. Бу чемпионат "қора-кўклар" тарихидаги 20-чемпионлик бўлди.
