Анъанавий мавсум якунлари бўйича сўровномада Бундеслига клублари футболчилари иштирок этишди. "Байер"нинг ҳужумкор ярим ҳимоячиси Флориан Вирц ҳамкасблари томонидан эътироф этилди. У Kicker томонидан "мавсумнинг энг яхши ўйинчиси" номинациясида сўровда қатнашганлар орасида 227 овознинг 51 фоизини олди.
Иккинчи ўринни яна бир чемпион Гранит Жака (7,5%) ва учинчи ўринни ўша "Байер"дан Алехандро Грималдо (6,2%) эгаллади.
Қизиғи шундаки, тўпурарлик пойгасида ғолиб чиққан Харри Кейн овоз бериш натижаларига кўра атиги еттинчи ўринни эгаллади - 3,5%.