Лондоннинг "Челси" клуби ўзининг расмий сайтида жамоанинг янги бош мураббийи номини эълон қилди. У 44 ёшли Энцо Марескадир.
Қайд этилишича, томонлар яна бир мавсумга узайтириш имконияти билан 2029 йилнинг ёзига қадар шартнома тузган.
Маресканинг аввалги клуби “Лестер” эди. Инсайдер Фабрицио Романонинг сўзларига кўра, "Лестер" Энцодан муддатидан олдин ажралиб қолгани учун 10 миллион евро миқдорида товон пули олади.
Мареска қўл остида “тулкилар” 97 очко жамғариб, чемпионшипда биринчи ўринни эгаллади ва Англия Премьер-лигасига тушиб кетганидан бир йил ўтиб қайтди.
