"Челси" Энсо Марескани бош мураббий этиб тайинланганини эълон қилди. Италиялик 5+1 формуласи бўйича шартнома имзолади. Лондон клуби расмий сайтида Маресканинг изоҳи жой олган.
"Дунёнинг энг йирик клубларидан бири "Челси"га ўтиш ҳар бир мураббийнинг орзусидир. Шунинг учун мен бу имкониятдан жуда хурсандман. Мен жуда иқтидорли ўйинчилар ва ходимлар гуруҳи билан клубнинг муваффақиятли анъаналарини давом эттирадиган ва мухлисларимизни ғурурлантирадиган жамоани қуриш учун ишлашни сабрсизлик билан кутаман", деди Мареска.
"Челси" Премьер-лиганинг сўнгги мавсумида олтинчи ўринни эгаллади. Келгуси мавсумда жамоа Конференциялар ўйнайди.
