"Ньюкасл" Испаниянинг "Валенсия" клубига дарвозабон Гиорги Мамардашвилини сотиб олиш бўйича таклиф билан чиқди. Бу ҳақда журналист Педро Мората ўзининг ижтимоий тармоғида хабар берди.
Манбага кўра, "Ньюкасл" грузиялик дарвозабоннинг агенти билан боғланиб, Мамардашвили учун 41 миллион евро тўлашга тайёрлигини маълум қилган.
Эслатиб ўтамиз, 23 ёшли Гиорги Мамардашвили "Динамо" (Тбилиси) клубидан "Валенсия"га ўтган эди. Трансфер суммаси 850 минг еврони ташкил қилди бу мавсумда Мамардашвили барча турнирларда 37та ўйинда қатнашиб, 13тасида ўз дарвозаси даҳлсизлигини сақлаб қолди. Футболчининг клуб билан амалдаги шартномаси 2027 йилнинг ёзига қадар тузилган. Transfermarkt порталида келтирилган маълумотларга кўра, футболчининг бозор қиймати 35 миллион еврони ташкил қилади.
Дарвозабон Грузия терма жамоасининг Германияда бўлиб ўтадиган Евро-2024 учун кенгайтирилган таркибига киритилган.
