Ҳужумчи Килиан Мбаппенинг “Реал” сафидаги дебюти Франция терма жамоасининг 2024 йилги Европа чемпионатидаги иштирокига боғлиқ бўлади.

Манбага кўра, Мбаппе билан Франция терма жамоаси Евро-2024 ярим финалига чиқса, Килиан "Реал Мадрид" билан АҚШга гастрол сафарига бормайди. Бу ҳолда унинг "Қироллик клуби"даги дебюти Испания Примерасининг 1-тур ўйинида эмас, балки "Аталанта" билан 14 август куни бўлиб ўтадиган УEФА Суперкубоги учрашувида бўлиб ўтади.

Футболчининг "Реал" билан шартномаси 2029 йилгача мўлжалланган. Мбаппе аввалроқ “ПСЖ”да ўйнаган. Ўтган мавсумда франциялик ҳужумчи жамоаси сафида 48 та ўйин ўтказиб, 44 та гол урди ва 10 та голли узатмани амалга оширди.