Opta суперкомпьютери 2024-йилги Европа чемпионати иштирокчиларининг нуфузли турнирда ғалаба қозониш имкониятларини баҳолади.

Рейтингда биринчи ўринни Англия терма жамоаси эгаллади, унинг ғалаба қозониш эҳтимоли 19,9 фоизни ташкил этади.

Француз футболчилари иккинчи ўринда. Жаҳон вице-чемпионларининг Европа чемпионатини ютиш имконияти 19,1 фоизни ташкил этади.

Ғалабага асосий даъвогарлар учлигини турнир мезбонлари – немислар якунлади. Бундестимнинг имкониятлари 12,4 фоизга баҳоланмоқда.

Эслатиб ўтамиз, Европа чемпионати 14 июндан 14 июлга қадар Германияда бўлиб ўтади. Кубокнинг амалдаги соҳиби Евро-2020 финалида Англияни мағлуб этган Италия терма жамоаси ҳисобланади.