"Челси"нинг собиқ бош мураббийи Маурисио Почеттино Энцо Мареска тайинланганидан бир кун ўтиб жамоа билан хайрлашди. Унда аргентиналик Лондон клуби раҳбарларига яна Премьер-лигада ишлаш имконияти ва қўллаб-қувватлаганликлари учун миннатдорчилик билдирди. Почеттино жамоа эришган даражадан мамнун эканини таъкидлади. Аргентиналик мутахассис фикрича, футболчилар қилган ишлари учун мақтовга лойиқ.
“Биз кўтарилишлар ва пасайишлар бўлганини биламиз, лекин биз ҳар доим жамоага ишонганмиз ва барқарор даражага эришишга уринганмиз. Ўйлайманки, бу мавсумдаги тажриба ва биз кўрган яхшиланишлар келажакда футболчиларни фақат кучлироқ қилади. Уларнинг барчаси билан ишлаш жуда ёқимли эди ва биз ўрнатилган мустаҳкам алоқаларни қадрлаймиз. Келгуси мавсумда ҳам, келажакда ҳам сизга омад тилайман”, - деб ёзади Почеттино.
Эслатиб ўтамиз, Маурисио Почеттино бошчилигида "Челси" Англия чемпионатида олтинчи ўринни эгаллаган эди.
