Килиан Мбаппе “ПСЖ”дан кетиши, “Реал”да ўйнаш орзуси бўлгани ҳақида гапириб ўтди.

"Улар юзимга қараб “ПСЖ”да бошқа ўйнамаслигимни айтди. Луис Энрике ва Луиш Кампуш мени қутқарди, уларсиз мен бошқа майдонга тушмас эдим. Шунинг учун мураббий ва спорт директори олдида қарздорман.

Фаолиятимни яхши таҳлил қиладиган одам сифатида мен ушбу мавсумда ўз стандартларимдан пастроқ ўйнаганимга ишонаман. Ўйнаганимнинг ўзи фахрланишимга сабаб эди. Кейинги мавсумда бундай ўйин кўрсатишим мумкин эмаслигини ҳам биламан.

“ПСЖ”да бахтли эмасдим. Бироқ мени ҳимоя қилган инсонлар бор эди. Мураббий, футболчи ва ходимлар мени қўллаб-қувватлади.

Камида кейинги 5 йил мен “Реал” футболчиси бўламан. Жуда катта орзуим амалга ошди. Жуда хурсандман ва улкан фахр туяман. Дунёдаги энг яхши клубга ўтяпман", — деди Килиан Мбаппе.

Футболчининг “Реал” билан шартномаси 2029 йилгача мўлжалланган. Ўтган мавсумда франциялик ҳужумчи “ПСЖ” сафида 48 та ўйин ўтказиб, 44 та гол урди ва 10 та голли узатмани амалга оширди.