Душанба куни "Реал Мадрид" юлдуз ҳужумчи Килиан Мбаппенинг ўз сафига ўтганини расман эълон қилди. Расмий равишда трансфер бепул, аммо "Лос Бланкос" ўйинчига шартнома имзолаш учун катта миқдорда бонус тўлаган. Қайси миқдор ҳақида гапираётганимизни аниқ айтиш мумкин эмас - маълумотлар турлича.

Лекин ҳар қандай ҳолатда ҳам "Реал" Мбаппедан шартноманинг бутун беш йили учун тўлаганидан кўра кўпроқ пул ишлаб олишни кутмоқда. Transfer News Live нашрининг AS нашрига таяниб хабар беришича, Мадрид клуби Мбаппе футболка ва эсдалик совғалари, ҳомийлик шартномалари ва имидж ҳуқуқи савдосидан клубга 500 миллион евродан кўпроқ фойда келтиришига ишонмоқда.