Испанияда 2010 йилги жаҳон чемпиони, «Барселона»нинг собиқ ярим ҳимоячиси Андрес Иньеста ҳайкали очилди.
Маросим футболчининг ватани Альбасетеда бўлиб ўтди. Унда Иньеста Жанубий Африкада бўлиб ўтган жаҳон чемпионати финалида гол урган вазиятда тўп тепаётгани тасвирланган. Айнан унинг Нидерландия билан ўйинда (1:0) 116-дақиқада урган голи жаҳон чемпионатидаги «қизил фурия»га ғалаба келтирганди.
2002 йилдан 2018 йилгача Иньеста «Барселона»да ўйнади ва у билан тўққиз карра Испания чемпиони, олти карра мамлакат кубоги ва тўрт карра Чемпионлар лигаси ғолиби бўлди. Ҳозирда 40 ёшли ярим ҳимоячи БААнинг «Эмирейтс» жамоасида тўп сурмоқда.
