Жеймс Мэддисон Англия терма жамоасининг Евро-2024 терма жамоаси якуний қайдномасига киритилмайди.
“Тоттенхэм”нинг 27 ёшли ярим ҳимоячиси 14 июнь куни Германияда бошланадиган Европа чемпионати учун Англия терма жамоасининг кенгайтирилган таркибига киритилганди.
Бироқ, The Athletic хабарига кўра, Англия терма жамоаси бош мураббийи Гарет Саутгейт Жеймсни якуний таркибга киритмасликка қарор қилган.
Британияликлар 33 нафар футболчидан иборат рўйхатни 26 нафарга қисқартириши керак. Қайднома топширишнинг охирги муддати 7 июнь.
Якунланган мавсумда Мэддисон жароҳати туфайли 3 ойни ўтказиб юборди ва Премьер-лиганинг 27 та учрашувида 4 та гол урди ва 9 та голли узатмани амалга оширди.
