"Реал" ҳужумчиси Килиан Мбаппе бош мураббий Карло Анчелотти уни қаерда кўрса, ўйнашга тайёр. Испания гиганти шу ҳафта бошида 25 ёшли суперюлдуз билан шартнома имзолаганини тасдиқлади.
Кўпчиликнинг фикрига кўра, Мбаппенинг келиши ажойиб ишлайдиган механизмни бузиши мумкин. Франциялик футболчи, ўзингиз билганингиздек, Винисиус Жуниор ўйнашни афзал кўрадиган ҳужумнинг чап қаноти томон интилади.
Бироқ, журналист Хосе Феликс Диаснинг хабар беришича, Мбаппе Анчелоттидан уни аниқ позисияда қўллашни сўрамоқчи эмас. Форвард майдонда қандай рол ўйнашидан қатъи назар, шунчаки орзусидаги клубида ўйнашни хоҳлайди.
