Мадриднинг “Реал” клуби ҳимоячиси ва сардори Начо Фернандес клубда қолиш қарори ҳақида маълумот бермади. Чемпионлар лигаси финалидан бироз олдин келажаги борасида бир қарорга келганини айтди.
Тахминларга кўра, 34 ёшли футболчи қолишга қарор қилган, аммо ҳозирча ҳеч қандай тасдиқ йўқ. Журналист Хосе Луис Санчеснинг сўзларига кўра, Начо "Реал" билан шартномасини узайтиришга тайёр, бироқ ҳозирча клубга ўз розилигини бермаган.
Саудия Арабистони чемпионати вакиллари орасида марказий ҳимоячига талаб бор. Фернандеснинг "Реал" билан амалдаги шартномаси шу ой охирида тугайди.
