Игор Тудор “Лацио”ни тарк этди.
Инсайдер Жанлука Ди Марционинг сўзларига кўра, клуб тез орада 18 март куни Маурицио Саррининг ўрнига бош мураббий бўлган хорватиялик мутахассис билан шартномани бекор қилишга рози бўлади. Маълум қилинишича, Тудорнинг истэъфога чиқишига лойиҳа келажаги борасида "Лацио" раҳбарияти билан келишмовчиликлар сабаб бўлган.
Тез орада римликлар мураббийни ишдан бўшатишларини расман эълон қилишди.
Журналист Альфредо Педулла хабарига кўра, "Лацио" вакиллари Массимилиано Аллегри билан боғланишган. Қайд этилишича, “Ювентус”дан бўшатилганидан сўнг италиялик хориждан келган бир қанча таклифларни рад этган.
2023/24 йилги мавсумда “Лацио” 61 очко жамғариб, А Серияда 7-ўринни эгаллади.
