"Камп Ноу" атрофидаги бир қанча ҳудудлар уюшмалари стадионда олиб борилаётган таъмирлаш ишлари туфайли шовқиндан шикоят қилишди. Таъкидланишича, “Барселона” ўтган йилнинг апрель ойида келишилган чекловларга амал қилмаган.
Натижада, янги шартнома тузилди - "Камп Ноу"даги ишлар аввалгидек 00:00гача эмас, балки 22:00 гача олиб борилиши мумкин. Шу билан бирга, соат 20:00 дан бошлаб фақат махсус жиҳозлардан фойдаланишни талаб қилмайдиган ички ишларни бажаришга рухсат берилади. Бундан ташқари, яқин ҳафталарда шанба куни ҳам иш олиб бориш тақиқланади, деб хабар бермоқда Mundo Deportivo ўз саҳифаларида.
