"Фейеноорд"нинг ўнг қанот ҳимоячиси Лютсхарел Гертрейда "Ливерпуль"нинг қизиқишлари рўйхатида.
23 ёшли футболчи Арне Слотт қўл остида ўз мамлакатида муваффақиятли мавсумни ўтказди ва энди Англияда яна мураббий билан учрашиши мумкин. AD.nl хабарига кўра, "Ливерпуль" нидерландиялик футболчини яқинлашиб келаётган трансфер ойнасида сотиб олиш имкониятини кўриб чиқмоқда. Ушбу трансферга футболчининг ўзи қизиқмоқда.
Қанотларда ва марказий ҳимояда ўйнай оладиган Лютсхарел Гертрейда "Фейеноорд" сафида сўнгги мавсумда 47 та ўйинда 9 та гол ва 5 та голли узатмани амалга оширди. Роттердамлик юлдузнинг нархи, Transfermarkt порталига кўра, 32 миллион еврони ташкил қилади.
