"Милан" марказий ҳужумчи позицияси учун вариантларни қидиришда давом этмоқда.
“Россонерилар”нинг асосий мақсади “Болонья”дан Жошуа Зиркзее ҳисобланмоқда: миланликлар нидерландиялик учун зарур бўлган 40 миллион еврони тўлашга тайёр, бироқ ҳозирча футболчининг ўзи билан шартнома шартлари бўйича келиша олмаяпти. Айни пайтда, Жанлука ди Марционинг сўзларига кўра, "Милан" аллақачон бошқа номзодларни кўриб чиқмоқда. Гап Ла Лигада тўпурарлар пойгасида ғалаба қозонган "Жирона" ҳужумчиси Артём Довбик ва Лондоннинг "Челси" клуби ҳужумчиси Армандо Броя ҳақида кетмоқда.
22 ёшли Броя "Челси" режаларига киритилмаган, шунинг учун уни сотувга қўйиш мумкин. Transfermarkt албаниялик футболчининг нархини 22 миллион еврога баҳоламоқда.
Худди шу портал 26 ёшли Довбикнинг нархини 30 миллион еврога баҳолаган.
