"Ювентус"нинг собиқ ҳимоячиси Леонардо Бонуччи Тьяго Моттанинг клубга яқин орада келиши ҳақида фикрини айтди.
41 ёшли мутахассис ўтган мавсумда "Болонья" билан сенсация яратиб, жамоани Чемпионлар лигасига олиб чиқишга муваффақ бўлди. Кампания тугаганидан сўнг Мотта ўз лавозимини тарк этди ва тез орада, агар кутилмаган ҳеч нарса содир бўлмаса, у "бьянконерилар"нинг янги бош мкраббийи сифатида таништирилади.
"Ўйлайманки, "Ювентус" Мотта билан "Болонья" сўнгги икки йил ичида қилганидек, интенсивлик ва техникага асосланган футбол ўйнайди. Умид қиламанки, Тьяго “Ювентус”ни ўзи бўлиши керак бўлган жойга қайтара олади”, — деди яқинда футболдан кетган Бонуччи Sky Italia нашрига берган интервьюсида.
