Энцо Марескининг "Челси"га келиши ярим ҳимоячи Конор Галлахернинг яқин орада сотилиши эҳтимолини ошириши мумкин.
24 ёшли футболчининг "кўклар" билан шартномаси бир йилдан сўнг тугайди, шу сабабдан клуб яқинлашиб келаётган трансфер ойнасида у билан хайрлашмоқчи. Журналист Жейкоб Штайнбергнинг сўзларига кўра, Галлахернинг кетишига Маресканинг ўйин кўрсаткичлари ҳам ёрдам бериши мумкин, баъзилари эса инглиз футболчиси италиялик мураббий маъқуллаган тўпга эгалик қилишга асосланган футбол услубига тўғри келмаслигини тахмин қилмоқда.
Конор Галлахерга "Тоттенхэм" ва "Астон Вилла" клублари қизиқиш билдирмоқда. Transfermarkt маълумотларига кўра, ярим ҳимоячининг нархи 50 миллион еврога тенг.
