Криштиану Роналду Финляндияга қарши ўртоқлик учрашувини (4:2) ўтказиб юборди.
Португалия терма жамоаси форварди клубда ўтказган мавсумидан сўнг дам олиш учун қўшимча вақт олди.
Португалия терма жамоаси бош мураббийи Роберто Мартинес Роналду қачон жамоага қайтишини айтди.
“Рубен Невеш ва Криштиану Роналду 7 июнь куни терма жамоага келишади. Биз барча футболчиларга етти кун вақт бердик.
Роналду ва Невешнинг режалари шундан иборатки, улар Хорватияга қарши ўйинни ўтказиб юбориб, Ирландияга қарши ўйнайди”, — деди Мартинес журналистларга.
Эслатиб ўтамиз, Португалия Хорватия билан 8 июнь куни, Ирландия билан 11 июнь куни баҳс олиб боради.
