"Фенербахче"га янги тайинланган бош мураббий Жозе Моуриньо ёзги мавсумда жамоани кучайтиришга умид қилмоқда. Sabah нашри хабарига кўра, португалиялик мутахассис Лондонда бирга ишлашга муваффақ бўлган "Тоттенхэм" ярим ҳимоячиси Пьер-Эмиль Хёйбьергга кўз тиккан.

Манба берган хабарга кўра, 28 ёшли Хёйбьергда Моуриньо ярим ҳимояни кучайтирадиган футболчини кўрмоқда. Мураббий майдон марказида Хёйбьерг ва Фред ўртасида дуэт яратмоқчи. Бразилиялик футболчи ўтган ёздан бери "Фенербахче"да ўйнаб келаётгани барчага маълум.

Аввалроқ, матбуотда "Тоттенхэм" Хёйбьергни сотиш истаги борлиги ҳақида маълумот пайдо бўлганди. Transfermarkt портали данияликни 18 миллион еврога баҳоламоқда.