"Бавария" марказий ҳимоячиси Дайо Упамекано Евро-2024 олдидан жиддий жароҳатдан қутулиб қолди.
Футболчи Франция терма жамоасининг Люксембургга қарши олдинги ўртоқлик ўйинида (3:0) жароҳат олган, шу сабаб танаффусда алмаштирилганди. "Bayer & Germany" хабар беришича, муаммо кичик ноқулайлик билан чегараланган - марказий ҳимоячи аллақачон машғулотларни қайта бошлаган ва Канада терма жамоасига қарши ўйнашга тайёр.
"Учранглилар"нинг канадаликлар билан ўртоқлик учрашуви якшанба куни бўлиб ўтади. 17 июнь куни Дидье Дешам шогирдлари Европа чемпионати гуруҳ босқичининг 1-тур учрашувида Австрия терма жамоасига қарши майдонга тушади.
