Мадриднинг “Атлетико” клуби президенти Энрике Сересо Диего Симеоненинг келажаги ҳақида ўз фикрлари билан ўртоқлашди.
Ўтган йилнинг охирида аргентиналик мутахассис "матрасчилар" билан шартномани 2027 йилгача узайтирганди. Сересонинг фикрича, мураббийнинг клубдаги фаолияти бундан кейин ҳам давом этиши мумкин.
"Симеоне шартномасини ҳурмат қилади ва агар у қолишни истаса, биз яна шартномани узайтирамиз. Бу биз учун муаммо эмаслигини билади, чунки биз ундан тўлиқ қониқдик. Агар у яна беш йил қолишни истаса, шундай бўлади", - дея Сересонинг сўзларидан иқтибос келтиради журналист Альфредо Педулла.
Эслатиб ўтамиз, Диего Симеоне "Атлетико"да 2011 йилнинг декабридан бери ишлаб келмоқда.
