“Аякс” марказий ҳимоячиси Йоррел Хато Европанинг етакчи чемпионатларидан бирига яқин орада ўтиши ҳақидаги миш-мишларни инкор қилди.

Нидерландиялик футболчи Амстердам жамоаси учун 61 та ўйин ўтказишга муваффақ бўлди, гарчи у март ойида ўзининг 18 ёшини нишонлаган бўлса-да.

Марказий ҳимоячини хорижлик гигантлар кузатиб туришса ажабмас.

“Кейинги мавсумда мен “Аякс”да ўйнайман – бу ерда ҳали ўрганишим керак бўлган кўп нарса бор. Мен "Аякс" билан совринларни ютиб олишни истайман, бу клубга келганимдан бери орзу қилган нарсам", - деди Хато AjaxLife нашрига берган интервьюсида.