"Реал Соседад" ярим ҳимоячиси Микель Мерино ўз клуби билан янги шартнома имзолашга шошилмаяпти.
Испаниялик футболчининг амалдаги шартномаси бир йилдан кейин тугайди, яъни ярим ҳимоячи трансфер бозорида арзонлаштирилган нархда сотилиши мумкин. Журналист Маттео Мореттонинг сўзларига кўра, “Реал Сосьедад” Мерино билан шартномани узайтиришга тайёр, бироқ у фаолиятини давом эттиришнинг бошқа вариантларини ўрганаётгани учун жавоб беришга шошилмаяпти. 27 ёшли футболчига "Барселона" қизиқиш билдирмоқда, "Ювентус" ҳам даъвогарлар қаторида.
Transfermarkt портали Микель Меринонинг қийматини 50 миллион еврога баҳолаган. Умумий ҳисобда ярим ҳимоячи “Реал Сосьедад” сафида 242 та ўйин ўтказиб, 27 та гол ва 30 та голли узатмани амалга оширган.
