"Real Sosedad" yarim himoyachisi Mikel Merino o‘z klubi bilan yangi shartnoma imzolashga shoshilmayapti.
Ispaniyalik futbolchining amaldagi shartnomasi bir yildan keyin tugaydi, ya’ni yarim himoyachi transfer bozorida arzonlashtirilgan narxda sotilishi mumkin. Jurnalist Matteo Morettoning so‘zlariga ko‘ra, “Real Sosyedad” Merino bilan shartnomani uzaytirishga tayyor, biroq u faoliyatini davom ettirishning boshqa variantlarini o‘rganayotgani uchun javob berishga shoshilmayapti. 27 yoshli futbolchiga "Barselona" qiziqish bildirmoqda, "Yuventus" ham da’vogarlar qatorida.
Transfermarkt portali Mikel Merinoning qiymatini 50 million yevroga baholagan. Umumiy hisobda yarim himoyachi “Real Sosyedad” safida 242 ta o‘yin o‘tkazib, 27 ta gol va 30 ta golli uzatmani amalga oshirgan.
