"Бавария" германиялик ярим ҳимоячи Йозуа Киммих бўйича йирик таклифларни кўриб чиқишга тайёр. Бу ҳақда журналист ва инсайдер Фабрицио Романо ижтимоий тармоқ орқали хабар берди.

Манбага кўра, айни дамда "Бавария" ва Киммих ўртасида шартномани узайтириш борасидаги музокаралар боши берк кўчага кириб қолган ва мюнхенликлар жиддий таклиф бўлса, уни қўйиб юборишга тайёр.

Саудия Арабистонининг “Ал-Аҳли” клуби ёзда Германия терма жамоаси ярим ҳимоячисини сотиб олиш борасида музокаралар олиб бориши ҳақида аввалроқ хабар берилган эди. Шунингдек, "Барселона"нинг янги бош мураббийи Ханс-Дитер Флик ҳам футболчини ўз жамоасида кўришни исташи хабар қилинганди.

Эслатиб ўтамиз, Йозуа Киммихнинг мюнхенликлар жамоаси билан амалдаги шартномаси 2025 йилнинг июнигача амал қилади.