"Интер" ярим ҳимоячиси Давиде Фраттези Италия терма жамоасининг Евро-2024 олдидан ўртоқлик ўйинларидаги ўйинига баҳо берди. 4 июнь куни Лучано Спалетти шогирдлари Туркия терма жамоаси билан дуранг ўйнаган бўлса (0:0), якшанба куни эса Босния ва Герцеговинани мағлуб этди (1:0). Ягона голга Фраттези муаллифлик қилди.
"Бизда ишлаш керак бўлган нарса бор. Мақсадларимизга эришиш учун кўпроқ ҳаракат қилишимиз керак. Имкониятлар етарли эди, аммо улардан яхшироқ фойдаланмадик. Евро гуруҳ босқичидаги ўйинларда имкониятлар яратиш қийинроқ бўлади", деди Фраттези.
Италия терма жамоаси Европа чемпионатида Албания, Испания ва Хорватия жамоалари билан ўйнайди.
