"Барселона" ярим ҳимоячиси Серхи Роберто жамоада қолади. Бу ҳақда Diario Sport хабар бермоқда.

Манбага кўра, "Барселона" ва Роберто ҳамкорликни узайтириш бўйича келишувга эришган. Қайд этилишича, молиявий фэйр-плей билан боғлиқ муаммолар туфайли каталонияликлар футболчи учун янги шартнома расмийлаштира олмаяпти.

Манбанинг таъкидлашича, Робертонинг ўзи ҳам ўз жамоасида қолишни истайди, шунинг учун у "Барселона" билан расмий шартномасиз ҳам мавсумолди машғулотларини бошлашга тайёр.

32 ёшли футболчи бутун фаолиятини "Барселона"да ўтказди. Ўтган мавсумда у барча мусобақаларда 24 та ўйинда қатнашиб, 3 та гол урди ва 3 та голли узатмани амалга оширди.