"Сассуоло" ҳужумчиси Доменико Берарди ёзги трансфер ойнасида клубини ўзгартириши мумкин.
Gazzetta.it нашри хабарига кўра, Туриннинг “Ювентус” клуби футболчининг хизматларига қизиқиш билдирмоқда. У 2016 йилда Туринга йўл олиши мумкин эди, бироқ кейинчалик келишув барбод бўлганди.
Эслатиб ўтамиз, март ойи бошида футболчи жароҳат олган ва мавсумнинг қолган қисмида сафдан чиққани маълум бўлганди. Шу боисдан футболчи 2024 йилги Европа чемпионатида Италия терма жамоасига ёрдам бермайди.
Жорий мавсумда Берарди 17 учрашувда 9 та гол урди ва 3 та голли узатмани амалга оширди. Эслатиб ўтамиз, “Сассуоло” Италия чемпионатининг сўнгги мавсуми якунида сўнгги ўринни эгаллаб, A Сериядан тушиб кетган эди.
