"Ал-Аҳли" "Наполи" ҳужумчиси Виктор Осимхенга қизиқиш билдирмоқда, деб хабар беради Il Mattino.
Манбага кўра, Саудия Арабистони клуби 25 ёшли нигерияликни 120 миллион евро эвазига сотиб олиш вариантини фаоллаштиришга тайёр. Шу билан бирга, "ПСЖ", "Челси" ва "Арсенал" ҳам даъвогарлик қилаётган футболчининг ўзи трансферга рози бўладими ёки йўқлиги номаълум.
Осимхен "Наполи"да 2020 йилнинг сентябридан буён ўйнамоқда. 2023/24 йилги мавсумда форвард жамоаси сафида барча мусобақаларда 32 та ўйинда майдонга тушиб, 17 та гол урди ва 4 та голли узатмани амалга оширди.
