Германия терма жамоаси футболчиси Лерой Сане 2024 йилги Европа чемпионати бошланишини интиқлик билан кутмоқда.

"Бўлажак турнирни интиқлик билан кутяпман, бу бизнинг уй турниримиз бўлади. Футболчи фаолиятида бу фақат бир марта содир бўлиши мумкин. Футболда ҳамма нарса жуда тез содир бўлади. Мағлуб бўлганингда ҳаммаси жуда ёмон, лекин ғалаба қозонганингда ҳаммаси ажойиб. Доимгидек. Мураббийимиз жамоада яхши муҳит бўлишини ва майдонда бир-биримиз билан яхши муносабатда бўлишимизни таъминлайди. Бўлажак Евро мухлисларимизга ўзгача туртки бериши мумкин, бу эса бизни ғалаба сари етаклайди деган умиддаман", - дея "Бавария" футболчисининг сўзларидан иқтибос келтиради GQ Sport.

Эслатиб ўтамиз, Евро-2024 14 июндан 14 июлга қадар Германия майдонларида бўлиб ўтади.