Germaniya terma jamoasi futbolchisi Leroy Sane 2024 yilgi Yevropa chempionati boshlanishini intiqlik bilan kutmoqda.
"Bo‘lajak turnirni intiqlik bilan kutyapman, bu bizning uy turnirimiz bo‘ladi. Futbolchi faoliyatida bu faqat bir marta sodir bo‘lishi mumkin. Futbolda hamma narsa juda tez sodir bo‘ladi. Mag‘lub bo‘lganingda hammasi juda yomon, lekin g‘alaba qozonganingda hammasi ajoyib. Doimgidek. Murabbiyimiz jamoada yaxshi muhit bo‘lishini va maydonda bir-birimiz bilan yaxshi munosabatda bo‘lishimizni ta’minlaydi. Bo‘lajak Yevro muxlislarimizga o‘zgacha turtki berishi mumkin, bu esa bizni g‘alaba sari yetaklaydi degan umiddaman", - deya "Bavariya" futbolchisining so‘zlaridan iqtibos keltiradi GQ Sport.
Eslatib o‘tamiz, Yevro-2024 14 iyundan 14 iyulga qadar Germaniya maydonlarida bo‘lib o‘tadi.
