Португалия терма жамоаси бош мураббийи Роберто Мартинес Евро-2024 бошланиши арафасида 39 ёшли ҳужумчи Криштиану Роналду ҳақида гапирди.
"У эришган нарсага кўп ўйинчилар эриша олмади. У кўп жиҳатдан намуна бўлиб хизмат қилади. Жамоа таркибида 200 дан ортиқ ўйин ўтказган ягона футболчи бўлиши ҳам жиддий ютуқ.
Криштиану ҳақида мени доим ҳайратда қолдирадиган нарса унинг ёшига қандай қарши туриши. Ҳар бир машғулотдан сўнг, мен ва ҳамкасбларим ҳамма нарсага эришган, машғулотларда мустақил равишда юкламаларни раво кўра оладиган футболчида ғалаба қозониш иштиёқи уйғонишидан ҳайратдамиз. У ўз фаолиятида эришмоқчи бўлган мукаммаллик ғоясига берилиб, энг яхши бўлиш истаги билан овора. Бу таъсирли.
Терма жамоага келган ёш ўйинчилар ўзлари ҳурмат қилган инсон, футболчи ва кумирни кўришади. Унинг хатти-ҳаракати тавсифга зид ва Португалия қадрлаши керак бўлган нарсадир. Агар Пепе ва Роналду каби футболчилар ўрнак бўлиб, ўз тажрибаларини ўтказсалар, улар кейинги авлодларни яхшилайдилар", — дея Мартинеснинг сўзларидан иқтибос келтиради УЕФА матбуот хизмати.
Евро-2024 14 июндан 14 июлга қадар Германияда бўлиб ўтади. Португалия терма жамоаси F гуруҳида Туркия, Грузия ва Чехия билан баҳс олиб боради.
