"Манчестер Сити" ярим ҳимоячиси Жек Грилиш 2024 йилда Германияда бўлиб ўтадиган Европа чемпионати учун Англия терма жамоасидан жой олмагач, таътилни ўтказиш учун Дубайга кетди, деб хабар бермоқда The Sun нашри.
Ярим ҳимоячи Жеймс Мэддисон ва ҳимоячи Гарри Магуайр ҳам якуний таркибга киритилмаган.
Евро-2024 14 июндан 14 июлга қадар бўлиб ўтади. Англия терма жамоаси С гуруҳида Дания, Словения ва Сербия билан бирга ўйнайди.
Эслатиб ўтамиз, Грилиш ўтган мавсумда 36 та ўйинда қатнашиб, 3 та гол ва 3 та голли узатмага муаллифлик қилган. Футболчининг клуб билан амалдаги меҳнат шартномаси 2027 йилнинг ёзига қадар амал қилади. Transfermarkt порталида берилган маълумотларга кўра, футболчининг бозор қиймати 65 миллион еврони ташкил қилади.
