"Manchester Siti" yarim himoyachisi Jek Grilish 2024 yilda Germaniyada bo‘lib o‘tadigan Yevropa chempionati uchun Angliya terma jamoasidan joy olmagach, ta’tilni o‘tkazish uchun Dubayga ketdi, deb xabar bermoqda The Sun nashri.

Yarim himoyachi Jeyms Meddison va himoyachi Garri Maguayr ham yakuniy tarkibga kiritilmagan.

Yevro-2024 14 iyundan 14 iyulga qadar bo‘lib o‘tadi. Angliya terma jamoasi S guruhida Daniya, Sloveniya va Serbiya bilan birga o‘ynaydi.

Eslatib o‘tamiz, Grilish o‘tgan mavsumda 36 ta o‘yinda qatnashib, 3 ta gol va 3 ta golli uzatmaga mualliflik qilgan. Futbolchining klub bilan amaldagi mehnat shartnomasi 2027 yilning yoziga qadar amal qiladi. Transfermarkt portalida berilgan ma’lumotlarga ko‘ra, futbolchining bozor qiymati 65 million yevroni tashkil qiladi.