"Валенсия"да ўйнаётган грузиялик дарвозабон Гиорги Мамардашвили фаолиятини Англия Премьер-лигасининг топ-клубида давом эттириши мумкин. Бу ҳақда Todofichajes портали хабар берди.
Манбанинг ёзишича, 23 ёшли дарвозабон хизматларига "Ливерпуль" қизиқиш билдирмоқда. "Мерсисайдликлар" Алиссон Беккер билан хайрлашган тақдирда Гиоргининг номзодини кўриб чиқади.
Бразилиялик дарвозабон "қизиллар"ни тарк этиб, Саудия клубларидан бирига ўтиши мумкин. Мамардашвилининг бозор қиймати 35 миллион еврога баҳоланмоқда. Грузиялик посбон ва "кўршапалаклар" ўртасидаги шартнома 2027 йилнинг июнь ойи охирида тугайди.
