"Манчестер Юнайтед" бош мураббийи Эрик тен Хаг мураббийнинг келажаги борасида ҳали бир қарорга келмаган раҳбариятнинг қилмишидан ҳафсаласи пир бўлди.
The Telegraph хабарига кўра, нидерландиялик мутахассис келажаги борасидаги ноаниқлик ёзги трансфер кампаниясига таъсир қилиши мумкинлигидан хавотирда. Тен Хагнинг фикрича, жамоадаги ҳозирги вазият бутун келаси мавсумни хавф остига қўяди, бунинг учун "МЮ" керакли янги футболчиларни жалб қилиш орқали тўғри тайёргарлик кўриши керак.
Аввалроқ Тен Хаг ҳали ҳам ишдан бўшатилиши мумкинлиги ҳақида хабар берилган эди. "Манчестер Юнайтед" унинг ўрнига турли мутахассисларни кўриб чиқмоқда, бироқ ҳозирча устувор номзод йўқ.
