Германия терма жамоаси ярим ҳимоячиси Тони Кроос 2024 йилги Европа чемпионати олдидан терма жамоа етакчиси мақоми ҳақида гапирди.

"Бу жамоани бошқариш қийин эмас. Кўряпманки, ҳаммада ғалаба қозониш истаги бор. Бизда ҳали йирик турнирларда иштирок этмаган бир нечта футболчилар бор.

Менимча, уларга маълум даражада қўллаб-қувватлаш ва хавфсизлик ҳиссини бериш ҳар доим муҳим. Охир оқибат, муваффақиятга эришиш учун бизга бирга ишлайдиган етарли футболчилар керак. Ўйинчилар қанчалик кўп ўзларини қулай ҳис қилсалар, шунча яхши бўлади", - дейди Кроос.

34 ёшли футболчи Германияда бўлиб ўтадиган Евро-2024 дан сўнг футболчилик фаолиятини якунлашини маълум қилганди.